KXCP III Qurultayının Güney Azərbaycan Türkləri ilə bağlı Dünya İctimaiyyətinə müraciət

KXCP III Qurultayı - Dünya İctimaiyyətinə bildirir ki, 40 milyonluq Güney Azərbaycan Türkü:

• Yaşadığı ərazilərdə öz milli sərvətinə sahib şıxmaq və bu sərvətdən özü yararlanmaq istəyir; 
• Hüquqlarını məhdudlaşdıranlara qarşı müqavimət göstərərək, onlara qarşı mübarizə aparır; 
• Öz ana dilində oxumaq, yazmaq istəyir; 
• Öz tarixini, öz ədəbiyyatını, öz musiqisini, öz mədəniyyətini öz dilində öyrənmək, öyrətmək, yaşatmaq, inkişaf etdirmək istəyir; 
• Din, vicdan, inanc və düşüncə azadlığı istəyir; 
• Siyasi təşkilat yaratmaq və sərbəst toplaşmaq azadlığı istəyir; 
• Öz-özünü idarə etmək və öz müqəddaratını özü təyin etmək istəyir; 
• Bütöv Azərbaycan Dövləti yaradıb vahid bir xalq kimi yaşamaq istəyir.

 Bütün bunların demokratik tələblərə və BMT nizamnaməsinə tam uyğun olduğunu nəzərə alaraq KXCP III Qurultayı - Dünya İctimaiyyətini Güney Azərbaycan Türklərinin bu istəklərinin yerinə yetirilməsinə hər cür yardım göstərməsini xahiş edir.

01 avqust 2015-ci il, Bakı şəhəri