KXCP sədri Mirmahmud Mirəlioğlunun Qurban Bayramı təbriki

KXCP sədri Mirmahmud Mirəlioğlu

Əziz həmvətənlər, dəyərli müsəlmanlar.

Müqəddəs Qurban Bayramı münasibəti ilə sizləri – bütün müsəlman bacı və qardaşlarımızı, əziz xalqımızı təbrik edirəm.

Müqəddəs Qurban Bayramına zaman-zaman yasaqlar qoyulsa da, onu xalqımızın yaddaşından silmək mümkün olmamışdır. Əsrlərlə davam edən bu bayram müsəlmanların böyük və uca yaradan qarşısında müqəddəs borclarını yerinə yetirmələrinin və öz tarixi ənənələrinə sadiqliklərinin gözəl nümunəsidir.

Çox təəssüflər olsun ki, Qurban Bayramını bütöv Azərbaycanın torpaqlarında birlikdə qeyd etmək bizlərə hələdə nəsib olmur. İnanırıq , indiki çətinliklər dövründə qeyd etdiyimiz bu müqəddəs gündə Tanrıya edəcəyimiz dualar vətənimizin bütövləşməsi, millətimizin birliyi, dövlətimizin güclənməsi, xalqımızın firavanlığı, vətəndaşlarımızın azad və demokratik cəmiyyətdə yaşaması üçün yardımçı olacaqdır! İnanıram ki, xalqımızın iradəsi ilə bu müqəddəs bayramın bütöv Azərbaycan ərazilərində qeyd olunacağı gün çoxda uzaqda deyil. Bu inancla Müqəddəs Qurban Bayramı münasibəti ilə Sizləri bir daha təbrik edir, dualarınızın və qurbanlarınızın qəbul olması üçün Uca Tanrıya dua edirəm.

Allah yardımçınız olsun!

Bəybala ƏBİL: Müsavat Partiyasının VIII qurultayı münasibəti ilə təbrik

Klassik Xalq Cəbhəsi Partiyasının
Ali Məclisinin sədri Bəybala ƏBİL

Hörmətli İsa bəy, dəyərli qurultay nümayəndələri.

Müsavat Partiyasının VIII qurultayı münasibəti ilə sizləri, bütün müsavatçıları, Müsavat partiyasının rəhbərliyini və yeni seçiləcək rəhbərliyi təbrik edirəm. Millətimizin ən böyük dəyəri-Dövlət Müstəqilliyimiz - Müsavatla bağlı olduğu kimi, Dövlət Müstəqilliyinin bərpasında da, Müsavat partiyasının üzvlərinin çox böyük xidmətləri olmuşdur. 1993-cü il qiyamından sonrada avtoritar rejimə qarşı mübarizədə və demokratik dəyərlərin qorunmasında müsavatçılar fədakarlıq göstərmişlər. Müsavat partiyası Məmməd Əmin Rəsulzadə əmanətlərini qoruyaraq, Əbülfəz Elçibəy dəyərlərinə sadiqliyini göstərək müstəqilliyimizin qorunması, demokratik cəmiyyətin yaradılması, Azərbaycanın bütövlüyü uğrunda mücadilə verməkdədir.

Sevindirici haldır ki, uzun illər iqtidarın hər cür basqılarına müqavimət göstərən müsavatçılar, avtoritar rejimin yaratdığı antidemokratik şəraitə baxmayaraq, zaman-zaman ölkə tarixində yaratdıqları demokratik ilkləri davam etdirməklə qurultay keçirirlər. Musavat Partiyası ölkə tarixinə ilkin seçki, başkanlığa namizədlərin qurultay qabağı kompaniyalarını keçirmək kimi çox vacib ənənələr gətirməklə Azərbaycan demokratiyasına töhfələr verərək müqəddəs işini davam etdirir. İnanıram kı, Müsavat partiyasının bu qurultayı mütəşəkkiliyi, qətiyyəti və qəbul edəcəyi proqram sənədləri ilə cəmiyyətimizin avtotarizmə qarşı mübarizəsinə yeni nəfəs verəcəkdir.

Çox dəyərli müsavatçılar.

“Bir kərə yüksələn bayraq bir daha enməz” fəlsəfəsi, “Biz qalib gələcəyik” inamı ilə bu böyük işinizdə Sizlərə uğurlar azulayıram.

Klassik Xalq Cəbhəsi Partiyasının Ali Məclisinin sədri Bəybala ƏBİL