KXCP III Qurultayının İraq Türkmənləri ilə bağlı Qətnaməsi

5 min ildir ki, indiki İraq ərazisində yaşayan İraq Türkmənləri bizim eramızın X əsrindən başlayaraq Səlcuqlular, Atabəylər, Xarəzmşahlar, İlxanlılar, Cəlayirlilər, Teymurlular, Qaraqoyunlular, Ağqoyunlular, Səfəvilər və Osmanlılarla, Xorasan, Orta Asiya, Azərbaycan və Türkiyə Türkləri ilə bərabər yaşamışlar.

KXCP-nin 2014-cü il bələdiyyə seçkiləri ilə bağlı rəyi

Klassik Xalq Cəbhəsi Partiyasının 23 dekabr 2014-cü il tarixində keçirilmiş bələdiyyə seçkiləri ilə bağlı Rəyi

Klassik Xalq Cəbhəsi Partiyası, Mərkəzi Seçki Qərargahının (MSQ) 23 dekabr 2014-cü il tarixində keçirilmiş bələdiyyə seçkiləri ilə bağlı apardığı müşahidələri, topladığı sənədləri dəyərləndirərək seçkiləri azad olmayan, şəffaflıqdan uzaq, ədalətsiz və qeyri demokratik hesab edir. KXCP hesab edir ki, Azərbaycan hökuməti, azad, şəffaf və ədalətli seçkilərin keçirilməsi üçün ATƏT, Avropa Şurası, AŞ PA-nın Venesiya Komissiyası və digər beynəlxalq təşkilatlar tərəfindən edilən təklif və tövsiyələri nəzərə almamış, beynəlxalq təşkilatlar qarşısında götürdüyü öhdəlikləri yerinə yetirməmişdir.

Azad, şəffaf, ədalətli seçkilər keçirmək üçün demokratik seçki qanunvericiliyi bazası yaradılmamış, seçkilərə hazırlıq kütləvi qanun pozuntuları şəraitində keçirilmişdir. Seçici siyahıları kütləvi çatışmazlıqlarla tərtib edilmişdir. Namizədlərin irəli sürülməsi və qeydiyyatı hakimiyyətin sırf siyasi maraqlarına uyğun olaraq qanun pozuntuları şəraitində baş vermişdir. Seçkiqabağı təşviqat zamanı müstəqil və ya müxalifət namizədlərinə qarşı çeşidli qanunsuzluqlar baş vermişdir. Seçki günü büdcə və digər təşkilatların insan və maddi resursları total saxtakarlıqlar üçün səfərbərliyə alınmış, icra hakimiyyətinin parçasına çevrilən seçki komissiyaları kütləvi qanunsuzluqlar etməkdən çəkinməmişlər.

KXCP bələdiyyə seçkilərinin ilkin mərhələləri ilə bağlı bəyanatı

İcra hakimiyyətinin əlavəsinə çevrilmişbələdiyyələrin yerli idarəetmədən uzaq formal fəaliyyət göstərdiyi bir şəraitdəartıq dördüncü dəfədir ki, hakimiyyət orqanlarının maraqları çərçivəsində bələdiyyələrinsaxta seçkilərlə formalaşdırılıması prosesi gedir.

Ölkədə azad, şəffaf və ədalətliseçkilərin keçirilməməsi yerli idarəetmə orqanlarının normal formalaşmasınaimkan vermir. Ölkəmizdəki bu vaxta kimi bütün bələdiyyə seçkiləri kütləviqanunsuzluqlarla keçirildiyindən bələdiyyələr icra hakimiyyətlərinin maraqlarıəsasında formalaşır.

İdarə Heyətinin növbəti toplantısı, 10 Dekabr 2014

İclas qərarların icra vəziyyətini dəyərləndirmis, ictimai siyasi vəziyyət və qarşıda duran vəzifələr müzakirə edərək uyğun qərarlar qəbul etmişdir.

Yığıncaq partiya orqanlarının həftə ərzində gördüyü işləri qiymətləndirmiş, bələdiyyə seçkiləri, vətəndaş cəmiyyətinin vəziyyəti və son həbslər müzakirə etmişdir.

Yığıncaqda seçkilərdə bələdiyyələrə namizədlərin qeydiyyata alınması ilə bağlı məlumatlar dinlənilmiş və dəyərləndirilmişdir. KXCP Mərkəzi Seçki Qərargahının təqdim etdiyi arayışa əsasən, seçki komissiyaları və yerli hakimiyyət orqanları tərəfindən yaradılan əngəllər, o cümlədən bələdiyyə namizədlərinin bir çoxuna hələdə namizədlik vəsiqələrinin verilməməsi, qeydiyyatdan keçmiş namizədlərə təşviqatla bağlı maneçiliklər törədilməsi, bir çox yerlərdə seçicilərlə görüş yerləri təyin edilməməsi, şikayətlərə baxılmaması kimi problemlərdən narahatlıqlar qeyd edilmişdir. Namizədlər tərəfindən təyin edilmiş vəkillər, seçki komissiyalarına təqdim edilmiş müşahidəçilər, ümumiyyətlə seçkilərin müşahidə edilməsi ilə bağlı vəziyyət dəyərləndirilmişdir.

Yığıncaqda hakimiyyət orqanlarının beynəlxalq təşkilatların müraciətlərinə, hətta Avropa İnsan Hüquqları Məhkəməsinin qərarlarına məhəl qoyulmadan vətəndaş cəmiyyəti üzvlərinə, siyasi dustaqları müdafiə edən müstəqil vəkillərə qarşı təzyiqlərini artırdğı qeyd edilmiş və bu günlərdə daha bir jurnalist araşdırmaçının - Xədicə İsmayılın həbs edilməsi haqqında məlumat verilmişdir. KXCP İdarə Heyəti hakimiyyətin vətəndaş cəmiyyəti fəallarına qarşı repressiyaların yol verilməz olduğunu, onlara qarşı sərgilənən qanunlara və milli dəyərlərə zidd münasibətlərə son verilməsini tələb etmiş və Xədicə İsmayılın həbsi ilə bağlı bəyanat qəbul etmişdir.

İdarə Heyətinin növbəti toplantısı, 04 Noyabr 2014

İclasda qərarların icra vəziyyəti dəyərləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işləri qiymətləndirilmiş, bələdiyyə seçkiləri, vətəndaş cəmiyyətinin vəziyyəti və cari məsələlər müzakirə edilmişdir.

Bələdiyyə seçkilərinə hazırlıqla bağlı Mərkəzi Seçkin Qərargahının (MSQ) sədri Bəybala Əbilin məlumatı dinlənilmiş, MSQ-nın təlimatına uyğun bələdiyyələr namizədlərin verilməsi, şöbələrin seçki qərargahlarının zəruri sənədlərlə vaxtında təmin edilməsi və digər məsələlər müzakirə edilmiş, uyğun qərarlar qəbul edilmiş, KXCP Təşkilat şöbəsinə və digər əlaqədar qurumlara tapşırıqlar verilmişdir.

Yığıncaqda hakimiyyət orqanlarının vətəndaş cəmiyyətinə qarşı çeşidli repressiyaları artırdıqca cəmiyyətin daha qətiyyətlə müqavimət göstərməsi, nəticədə ölkədəki seçki saxtakarlığı, rüşvət, korrupsiya, büdcə talançılığı, məmur özbaşınalığının artıq demokratik dünyanın yüksək tribunalarından səsləndiyi qeyd edilmişdir. Hakimiyyət isə olan-bitənləri düzgün qiymətləndirmək, vətəndaş cəmiyyətinin inkişafına şərait yaratmaq əvəzinə dövlət orqanlarını vətəndaşlara qarşı cəza aparatına çevirməkdən çəkinmir. Bir gündə (30 oktyabr) müxtəlif rayonlarda keçirilən üç məhkəmədə böhtana-şərə əsaslanan ədalətsiz və qanun zidd qərarlarla cəmiyyətin müxtəlif təbəqələrinin nümayəndələrinin (azyaşlı uşaq, ziyalı, jurnalist) günahsız yerə cəzalandırılması günümüzün gerçəkliyinə çevrilmişdir.

2013-cü ilin prezident seçkiləri ərəfəsində prezidentliyə keçmiş namizəd Cəmil Həsənlinin və Milli Şuranın mətbuat katibi, KXCP sədrinin müavini, hüquq müdafiəçisi Oqtay Gülalıyevin az yaşlı övladı Əlgüşad Gülalıyev naməlum adamlar tərəfindən döyülərək bıçaqlanmasına baxmayaraq, bir ildən sonra zərərçəkən (Əlgüşad Gülalıyev) təqsirləndirilən şəxs qismində Xətai rayon məhkəməsi tərəfindən cəzalandırılıb. KXCP bu məhkəmə qərarını onun atası Oqtay Gülalıyevin ictimai siyasi fəaliyyəti ilə bir başa bağlı olduğunu qeyd edir.

Nəsimi rayon Məhkəməsi tərəfindən Azərbaycan Ziyalılar Birliyinin sədri, Milli Şuranın koordinasiya şurasının üzvü Eldəniz Quliyev bəzi yol polisi əməkdaşlarının vəzifə səlahiyyətindən sui-istifadə etmələri ilə bağlı Daxili işlər nazirinə yazdığı müraciətə görə cəzalandırılmışdır. Məhkəmə qərarının siyasi məqsəd daşıdığı göz qabağındadır.

Binəqədi rayon Məhkəməsinin "Azadlıq" qəzetinin jurnalisti Xalid Qarayevi “xırda xuliqanlığa” görə cəzalandırması isə artıq Sovetlərin siyasi bataqlıqlarına qayıtmağımızın göstəricisidir.

KXCP yuxarı məhkəmə orqanlarının Xətai rayon məhkəməsinin Əlgüşad Gülalıyev, Nəsimi rayon Məhkəməsinin Eldəniz Quliyev, Binəqədi Rayon Məhkəməsinin "Azadlıq" Xalid Qarayev haqqındakı qanuna zidd və ədalətsdiz qərarlarını ləğv etməyə çağırır, hakimiyyətin vətəndaş cəmiyyəti fəallarına və onların ailə üzvlərinə qarşı sərgilədiyi qanunlara və milli dəyərlərə zidd münasibətin yol verilməz olduğunu bəyan edir, belə münasibətlərin durdurulmasını, qanunsuzluqlara son verilməsini, ictimai- siyasi fəalların fəaliyyətinə normal şərait yaradılmasını tələb edir.
Yığıncaq Milli Şuranın 10 noyabrda elan etdiyi mitinqdə iştirakın KXCP üzvləri üçün sərbəst olduğunu, rəhbər orqanları üzvlərinin isə iştirak etməsini tövsiyə etmişdir.

Yığıncaqda 05 noyabr 2014 cü il saat 12-00 da Müsavat partiyasının qərargahinda -Milli Məclisə seçkilərdə proporsional seçki sisteminin bərpa edilməsi məqsədi ilə referendum keçirilməsi təşəbbüsünə həsr ediləcək Dəyirmi Masada iştirak etməyi tövsiyə edilmişdir.

Yığıncaqda 06 noyabr saat 12.00-da KXCP qərargahında keçiriləcək “Siyasi Məhbuslarsız Azərbaycan” İctimai Alyansının “Həbs yerlərində mövcud vəziyyət, siyasi məhbus problemi, qarşıda duran vəzifələrə dair” hesabatının ictimai təqdimatında iştirak etmək tövsiyə olunmuşdur.

İdarə Heyətinin növbəti toplantısı, 14 Oktyabr 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işlər qiymətləndirilmiş, bələdiyyə seçkilərinə hazırlığın vəziyyəti dəyərləndirilmiş, vətəndaş cəmiyyətinə qarşı repressiyaların davam etdirilməsinin ciddi problemlər yaratdığı bir daha qeyd edilmiş, ölkədə və regionda narahatlıqlar doğuran digər məsələlər müzakirə edilmişdir.

Yığıncaqda KXCP Ali Məclisinin son sessiyası, sessiyada qəbul edilən qərarlarən icrası ilə bağlı müzakirələr aparılmış və uyğun orqanlara tapşırıqlar verilmişdir.

Milli Şuranın mitinqinin son dövrlər ilk və təşkilatçılığın zəif olmasına baxmayaraq uğurlu alındığı qeyd edilmiş, lakin mitinq vaxtının və taktikasının düzgün müəyyənləşməməsi, bütövlükdə xalq kütlələrinin mitinqlərə cəlb edilməsinin zəifliyi qeyd edilmişdir.

Qeyri hökümət təşkilatlarına qarşı hakimiyyət tərəfindən təzyiqlərinin dahada artdığını, beynəlxalq təşkilatların ciddi tənqidlərinə, hətta ölkəmizə müxtəlif sanksiyaların tətbiq edilə biləcəyinə baxmayaraq iqtidarın vəziyyəti düzgün qiymətləndirə bilməməsi nətiəsində ölkəmizin çox ciddi problemlərlə üzləşəcəyi qeyd edilmişdir.

Bələdiyyə seçkilərinə hazırlığın artıq son mərhələyə qədəm qoyduğunu, KXCP-nin bələdiyyə seçkilərində iştirak edəcək yeganə partiya olduğunu, rayon (şəhər) şöbələrinin bu ağırlığı daşımaq üçün ciddi problemlərlə üzləşə biləcəyi qeyd edilmiş, KXCP Mərkəzi Seçki Qərargahının, Təşkilat şöbəsinin rayon (şəhər) şöbələri ilə seçkilərlərlə bağlı əlaqələrinin yüksək səviyyədə qurulmasının vacibliyi qeyd edilmişdir.

KXCP üzvlərinin Siyasi Partiyaların Demokratiya və İnsan Haqları Mərkəzinin 15 oktyabrda keçiriləcək Avropa Parlamentinin Azərbaycanda insan haqlarının vəziyyətinə dair Qətnaməsinə həsr edilmiş Dəyirmi Masada fəal iştirak etməsi məqsədəuyğun hesab edilmişdir.

Hakimiyyət tərəfindən Azərbaycanın Dövlət Müstəqilliyi bərpasının bayram kimi qeydiyyatının ləğv edilməsini cox ciddi səhv olduğu qeyd edilmişdir. İldönümlə bağlı 18 oktyabr saat 11.00-da Fəxri Xiyabanda Elçibəyin məzarının ziyarət olunması, bu hadisəyə həsr edilmiş müxtəlif tədbirlərin keçirilməsi məqsədəuyğun hesab edilmişdir.

KXCP Ali Məclisinin növbəti sessiyası, 28 Sentyabr 2014

Klassik Xalq Cəbhəsi Partiyası (KXCP) Ali Məclisinin növbəti sessiyası keçirilib.
Sessiya Azərbaycan Respublikasının dövlət himni və şəhidlərin xatirəsinə sayğı duruşu ilə başlayıb. Sessiyanın gündəliyində qərarların icra vəziyyəti, ictimai-siyasi vəziyyət və ölkədə vətəndaş cəmiyyəti və insan haqlarının vəziyyəti ilə bağlı məsələlərdaxil edilib.

KXCP Ali Məclisin sessiyası rayon (şəhər) şöbə sədrlərinin iştirakı ilə keçirlib.

Sessiyada Ali Məclisin sədri Bəybala Əbil çıxış edərək qəbul edilən qərarların icra vəziyyəti barədə məlumat verib. O, Klassik Xalq Cəbhəsi Partiyasının qarşıdan gələn bələdiyyə seçkilərində iştirakıyla bağlı partiyanın gördüyü işlər barədə danışdı. Seçkilərə hazırlıqla bağlı partiyanın rayon (şəhər) şöbələrindən Mərkəzi Seçki Qərargahına daxil olan ümumi vəziyyətlə bağlı müvafiq arayışı Məclis üzvlərinə təqdim etdi. Bəybala Əbil bildirdi ki, ötən müddət ərzində bələdiyyə seçkiləri ilə bağlı KXCP rayon (şəhər) şöbələrində müavafiq yığıncaqlar keçirilib. Ali Məclis sədri partiyanın bələdiyyə seçkiləri ilə bağlı fəaliyyətin daha da yüksədilməsinə, eləcə də bu istiqamətdə ictimai fəallığın artırılmasına ehtiyac olduğunu bildirdi.

Bəybala ƏBİL: Müsavat Partiyasının VIII qurultayı münasibəti ilə təbrik

Klassik Xalq Cəbhəsi Partiyasının
Ali Məclisinin sədri Bəybala ƏBİL

Hörmətli İsa bəy, dəyərli qurultay nümayəndələri.

Müsavat Partiyasının VIII qurultayı münasibəti ilə sizləri, bütün müsavatçıları, Müsavat partiyasının rəhbərliyini və yeni seçiləcək rəhbərliyi təbrik edirəm. Millətimizin ən böyük dəyəri-Dövlət Müstəqilliyimiz - Müsavatla bağlı olduğu kimi, Dövlət Müstəqilliyinin bərpasında da, Müsavat partiyasının üzvlərinin çox böyük xidmətləri olmuşdur. 1993-cü il qiyamından sonrada avtoritar rejimə qarşı mübarizədə və demokratik dəyərlərin qorunmasında müsavatçılar fədakarlıq göstərmişlər. Müsavat partiyası Məmməd Əmin Rəsulzadə əmanətlərini qoruyaraq, Əbülfəz Elçibəy dəyərlərinə sadiqliyini göstərək müstəqilliyimizin qorunması, demokratik cəmiyyətin yaradılması, Azərbaycanın bütövlüyü uğrunda mücadilə verməkdədir.

Sevindirici haldır ki, uzun illər iqtidarın hər cür basqılarına müqavimət göstərən müsavatçılar, avtoritar rejimin yaratdığı antidemokratik şəraitə baxmayaraq, zaman-zaman ölkə tarixində yaratdıqları demokratik ilkləri davam etdirməklə qurultay keçirirlər. Musavat Partiyası ölkə tarixinə ilkin seçki, başkanlığa namizədlərin qurultay qabağı kompaniyalarını keçirmək kimi çox vacib ənənələr gətirməklə Azərbaycan demokratiyasına töhfələr verərək müqəddəs işini davam etdirir. İnanıram kı, Müsavat partiyasının bu qurultayı mütəşəkkiliyi, qətiyyəti və qəbul edəcəyi proqram sənədləri ilə cəmiyyətimizin avtotarizmə qarşı mübarizəsinə yeni nəfəs verəcəkdir.

Çox dəyərli müsavatçılar.

“Bir kərə yüksələn bayraq bir daha enməz” fəlsəfəsi, “Biz qalib gələcəyik” inamı ilə bu böyük işinizdə Sizlərə uğurlar azulayıram.

Klassik Xalq Cəbhəsi Partiyasının Ali Məclisinin sədri Bəybala ƏBİL

İdarə Heyətinin növbəti toplantısı, 23 Sentyabr 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işlər qiymətləndirilmiş, bələdiyyə seçkilərinə hazırlıq dəyərləndirilmiş, vətəndaş cəmiyyətinə qarşı repressiyaların davam etdirilməsi ciddi problemlər yaratdığı bir daha qeyd edilmiş, ölkədə və regionda narahatlıqlar doğuran digər məsələlər müzakirə edilmişdir.

Yığıncaqda partiya sədri Mirmahmud Mirəlioğlunun KXCP-nin siyası partiyalarla münasibəti və birliklərdəki fəaliyyəti haqqında məlumatı dinlənilmiş və dəyərləndirilmişdir.

İdarə Heyətinin növbəti toplantısı, 16 Sentyabr 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işlər qiymətləndirilmiş, bələdiyyə seçkilərinə hazırlıq dəyərləndirilmiş, vətəndaş cəmiyyətinə qarşı repressiyaların davam etdirilməsi ciddi problemlər yaratdığı bir daha qeyd edilmiş, ölkədə və regionda narahatlıqlar doğuran digər məsələlər müzakirə edilmişdir.

KXCP İdarə Heyəti bələdiyyə seçkilərinə hazırlıqla bağlı KXCP sədrinin seçkilər üzrə müşavirlərinin hazırladıqları arayışlar müzakirə edilmiş və tövsiyələr vermişdir.

İdarə Heyətinin növbəti toplantısı, 09 Sentyabr 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işlər qiymətləndirilmiş, bələdiyyə seçkilərinə hazırlıq dəyərləndirilmiş, vətəndaş cəmiyyətinə qarşı repressiyaların davam etdirilməsinin ciddi problemlər yaratdığı qeyd edilmiş, ölkədə və regionda narahatlıqlar doğuran digər məsələlər müzakirə edilmişdir.

KXCP İdarə Heyəti vətəndaş cəmiyyətinə qarşı repressiyaların durdurulması, vicdan dustaqlarının və siyasi dustaqların azad edilməsi istiqamətində partiyaların və vətəndaş cəmiyyəti üzvlərinin göstərdiyi birgə fəaliyyəti məqsədəuyğun hesab etmişdir.

İdarə Heyətinin növbəti toplantısı, 02 Sentyabr 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq partiya orqanlarının həftə ərzində gördüyü işlər qiymətləndirilmiş, bələdiyyə seçkilərinə hazırlıq dəyərləndirilmiş, vətəndaş cəmiyyətinə qarşı repressiyaların davam etdirilməsinin ciddi problemlər yaratdığı qeyd edilmiş, ölkədə və regionda narahatlıqlar doğuran digər məsələlər müzakirə edilmişdir.

KXCP İdarə Heyəti vətəndaş cəmiyyətinə qarşı repressiyaların durdurması, vicdan dustaqlarının və siyasi dustaqların azad edilməsi istiqamətində partiyaların və vətəndaş cəmiyyəti üzvlərinin göstərdiyi birgə fəaliyyəti məqsədəuyğun hesab etmişdir.

İdarə Heyətinin növbəti toplantısı, 26 Avqust 2014

İclasda qərarların icra vəziyyəti qiymətləndirilmiş, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilmişdi.

Yığıncaq 22 avqust-Savalana ziyarət gününün qeyd olunması, həmin gün Elçibəy və digər öndərlərimizin məzarlarının ziyarət olunması və digər tədbirlər dəyərləndirilmiş, vətəndaş cəmiyyətinə qarşı repressiyaların durdurması ilə bağlı cəmiyyətin toparlanması istiqamətində aparılan proseslər müsbət qiymətləndirilmişdir. Yığıncaqda ictimai siyasi vəziyyət, ölkədə və regionda yaranan və ciddi narahatlıqlar doğuran məsələlər müzakirə edilmişdir.